Përshkrimi

Nisja bëhet nga qendra e qytetit të Durrësit. Grumbullimi i grupit bëhet  rreth  orës 7:30. Guida menjëherë bën një përshkrim të shkurtër të itenerarit që do të ndiqet. Në orën 8:00 bëhet nisja për në qytetin historik të Krujës. Pas disa çastesh udhëtim kemi  një ndalesë të shkurtër në Kompleksin  “Nord Park”.

Rreth orës 10:00 jemi duke ecur në kalldrëmin e qytetit të Krujës e cila ndodhet poshtë malit të Sari-Salltikut. Këtu do të kemi mundësi të shohim disa nga bukuritë historike të Shqipërisë.

Vizitën e parë do ta bëjmë  në Kalanë e Krujës një nga krenaritë e gjithë shqipëtarëve. Për 25 vite pengoj hordhitë otomane drejt Europës. Ajo ç`ka të bën më shumë përshtypje në këtë kala është arkitektura pasi është e ndërtuar në formë elipsi dhe ka nëntë kulla vrojtimi .Kjo kala është ndërtuar në shekullin e V-VI  por gjurmët e qytetërimit të gjetura aty pranë janë më të hershme dhe datojnë qysh në shekullin e III- p.e.s. Në brendësi të kalasë ndodhet edhe Muzeu Kombëtar Gjergj Kastriot Skënderbeu në të cilin janë ekspozuar mjaftë dokumente dhe sende të cilat kanë ardhur deri në ditëtë e sotme. Ky muze është i ndarë në disa pavione të cilët të japin pamje të shkurtra nga secila periudhë historike duke filluar që nga antikiteti.

Pas muzeut do të vizitojmë   hamamin  i cili ishte më moderni për kohën. Ai ka katër dhoma ku njëra është dhomë zhveshje, një dhomë e ndërmjetme me gjurmë të një vaske dhe më pas janë dy ambinete larjeje ku secili ka nga një vaskë. Këtu duket se sa modern ka qënë kjo kala dhe sa e mirë planifikuar.

Në dalje të kalasë është edhe Pazari i Vjetër karakterisitkë për këtë qytet. Kjo lagje është e veçantë nga të tjerat pasi  është e ndërtuar me gurë dhe drurë. Nga të dyja anët është e veshur me dyqane që ekspozojnë punimet artizanale të zonës të cilat janë punuar nga mjeshtrat duar artë.

Pas gjithë këtyre vizitave kthehemi në qytetin e Durrësit së bashku me kujtimet dhe fotografitë e relaizuara në qytetin historik të Krujës.

 

Aktivitetet

Në këtë qytet do të vizitoni:

  • Kalanë e Krujës
  • Muzeun Kombëtar Gjergj Kastriot Skënderbeu
  • Pazarin e Krujës

Available departures

Ky tour organizohet për grupet me mbi 20 persona.

Select your tour date using the calendar below to book this tour.

This tour is repeated every week on multiple days.

Today
Selected
Available
Unavailable