Përshkrimi
Nisja bëhet nga qendra e qytetit të Durrësit. Grumbullimi i grupit bëhet rreth orës 7:30. Guida menjëherë bën një përshkrim të shkurtër të itenerarit që do të ndiqet.Në orën 8:00 bëhet nisja për në Krahinën e Shëngjergjit.
Rreth orës 9:00 ne jemi në fshatin turistik të Shëngjergjit. Ajo ç’ka e bën të veçantë këtë fshat është prania e shumë vendeve të shenjta dhe natyra piktoreske. Gjatë vizitës sonë në këtë zonë do të kemi mundësinë të shohim: ujvarën e Shëngjinit, rrënojat e kalasë së Shëngjinit, shpellën e Valit dhe vendin e Shenjtë.
Pasi mbërrijmë në fshat do të kemi kënaqësinë që të dëgjojmë gurgullimën e ujvarës së Shëngjinit. Për të parë këtë bukuri të natyrës duhet të kalojmë në disa shtigje të vegjël dhe në këtë mënyrë do ta kundrojmë më nga afër.
Rrënojat e kalasë së Shëngjergjit janë një pikë e rëndëshishme për historinë e kësaj rrethine pasi tregon se sa të lashtë e kanë prejardhjen këta banorë të cilët shpesh edhe thirren me sinonimin “të mençurit”; kjo për shkak se shkolla e parë në Tiranë është hapur në fshatin e Shëngjergjit. Në këtë zonë kanë banuar edhe të parët e fisit të Aranitëve.
Nëse dëshirojmë mund të konsumojmë vaktin e drekës në natyrë (nëse kemi rënën dakort që me parë) ose mund të ulemi në lokalin aty pranë.
Shpella e Valit është një tjetër vend që ne do të vizitojmë aty do të kemi mundësinë të shohim një mrekulli që është formuar nga lëvizjet e brëndëshme të tokës.Shpella ka dy dalje në dy anë të ndryshme.Adhuruesit e salaktiteve do të kenë mundësinë të shohin një pafundësi formash të krijuara nga veprimtaria karstike (veprimtaria gërryese e ujit në shkëmbinjtë gëlqeror) të cilët të ndjellin për të shkuar më në brëndësi të shpellës.
Vendi i Shenjtë sipas banorëve vendas mendohet se në atë zonë është varrosur një nga tre shenjtorët që themeloi këtë fshat ndaj dhe ata çdo vit organizojnë e një festë për nder të tij.
Pas vizitës në këtë fshat piktoresk kthehemi në qytetin e Durrësit së bashku me mbresat dhe fotografitë e realizuara.
Aktivitetet
Në këtë tour do të vizitoni:
- Ujëvarën e Shëngjinit
- Rrënojat e kalasë së Shëngjergjit
- Shpellën e Valit
- Vendin e Shenjtë