Përshkrimi
Nisja bëhet nga qendra e qytetit të Durrësit. Grumbullimi i grupit bëhet rreth orës 7:30. Guida menjëherë bën një përshkrim të shkurtër të itenerarit që do të ndiqet. Në orën 8:00 bëhet nisja për në parkun e Shebenikut. Pas një ore udhëtim kemi një ndalesë të shkurtër në Kompleksin “Ballkan”.
Rreth orës 10:15 jemi në fshatin turistik të Fushë Studenit. Ai gjendet mes qytetit të Dibrës dhe Librazhdit dhe ka bukuri të rralla natyrore. Këtu do të vizitojmë: liqenin, shpellën e akullit dhe shtëpinë e vizitorëve. Ajo ç’ka do të na bëj përshtypje nga kjo zonë është faktit se kudo ku do të hedhim sytë do të shohim vetëm gjelbërim.
Liqeni i Fushë Studenit ka një kthjelltësi të jashtëzakonshme ku ti mund të shohësh lehtësisht fundin e tij me zaje. Shumë vititorë të huaj e pëlqejnë këtë të fundit për shkak se duket si një pjesë e shkëputur e cila nuk komunikon me askënd tjetër. Mbas kësaj ekspedite do të shijojmë drekën në një nga bujtinat pritëse.
Në 20 maj pranë këtij liqeni zhvillohet edhe festa e Parkut Shebenik – Jabllanicë. Në këtë ditë do të kemi mundësinë të shikojmë disa nga traditat e kësaj zone siç janë: veshjet tradicionale, ushqimet, punimet artizanale të kuruara në detaje nga duart e mjeshtrave, me pak fjalë do të shikojmë mrekullitë e krijuara nga njeriu.
Shpella e Akullit është një mrekulli për muajin e verës pasi të fal freski. Ka marrë këtë emërtim për shakak se në pjesën më të madhe të vitit është e mbuluar nga copa të mëdha akulli të cilat shkrijnë pas muajit qershor.
Legjenda që lidhet me këtë shpellë është deri diku e frikshme, sepse mendohet se nje djalë pasi i humbi unaza e tij e martesës nga kërkimet e shumta dhe temperaturat e ulta ngriu dhe shkrin vetëm gjatë verës për të kërkuar unazën e tij.
Pas dëgjimit të kësaj legjende ne kthehemi për në qytetin e Durrësit së bashku me fotografitë dhe kujtimet e paharrueshme.
Aktivitetet
Gjatë këtij udhëtimi do të vizitoni:
- Liqenin e Fushë Studenit
- Parkun Shebenik – Jabllanicë
- Shpellën e Akullit
- Shtëpinë e vizitorëve